Hamirpur, Naitung 05 : Uwei u samla u la khlad noh katba ka heprit ba dang 2 snem ka la shu mynsaw hadien ba ki la hap na ka riat kaba jrong haduh 150 phut ei ei ha ka jingjia ha kawei ka nongrit kaba hap ha Hamirpur Distrik jong ka Himachal, ong ki pulit ha kane ka Sngi Saitjain.
Dei ha ka miet sngi Thohdieng ha ka shnong Aansala kaba hap ha Sujanpur, kine ki arngut ki la shong da ka motorbike ba la ñiah da u kpa jong kane ka hepit da kaba ñiah marwei haba poi ha kawei ka jaka kaba kham thiep bad btuid bha. Ïa kitei ki arngut la lap ha ka step sngi Saitjain ha kawei ka kynja kharai.
La ïathuh ruh ba katei ka heprit ka la shu mynsaw malu mala katba une u samla ba tip kyrteng kum u Mansuk Kumar u la khlad noh ha kane ka jingjia.
Katkum ka jingïathuh jong ki pulit, u Mansuk bad u paralok u Kanchan Kumar ryngkat ka khun ba dang asnem ki la shong da ka bike. Hynrei haba la poi ha katei ka jaka u Kanchan u la phah ïa u Mansuk ba kin ïaid noh ma ki da ka kjat bad sa kiew kham biang haneng namar ba ka surok ka long thiep bad ka btuid bha.
Hynrei, la ong ba hadien ba kine ki arngut kim poi shuh katno katno ha ka jaka ba ai kut, u Kanchan u la leit ban wad ïa ki bda hadien pat u la pyntip ïa ki para shnong bad kumjuh ïa ki pulit kiba mardor ki la poi sha katei ka jaka ha ka por kumba 9:00 baje ei ei janmiet.
Ha kane ka jingwad ïa ka met jong u Mansukh kumjuh ïa ine i heprit ba la mynsaw la lap ha ka step kaba bud ha kawei ka kynja kharai. Kumta mardor la pynkit noh ïa kane ka heprit sha Sujanpur bad hadien kane pat la phah sha Hamirpur district hospital.
Na ka liang ki pulit ki la rejistar da ka mukotduma halor kane ka jingjïa bad la pynlong ruh ïa ka jingtohkit ban lap ïa ka daw tynrai jong katei ka jingjia.
