Jowai, Jylliew 23: Ban ïada na ki kam khaïi tuh ïa ki muid na India sha Bangladesh bad kumjuh ïa kiwei de ki kam khaïi beaiñ, na ka liang ki kynhun ïada khappud ka Border Security Force (BSF) Meghalaya hapoh kine ki 24 kynta kila ïoh kurup haduh 60 tylli ki masi ha ki jaka khappud jong ka East & West Jaiñtia Hills Districts
Ïa kitei ki masi la thmu ban shalan tuh lyngba ki jaka khlaw sha Bangladesh da kawei ka trok ba pynkit ïa ki, la ïoh bat da ki shipai BSF na kawei ka trok hajan ka shnong Umkiang, katba ïa u nongñiah bad u nongbud kila phet krad noh na katei ka jaka. Watla kane ka jingthmu khaïi tuh ïa ki kala ïaibteng khamtam hakum kane ka por ba jur u slap, hynrei ki shipai BSF kila trei shitom ban khanglad ïa kane kam khaïi tuh.
