Ujor ejahar u Sordar Mawrang ïa ki trai khyndew, kynnoh ba pyrshang ban knieh ïa ka skul

Shillong, Jylliew, 24: Ki arngut ki nongshong shnong jong ka shnong Mawrang, West Khasi Hills District ki la kynnoh ba u Sordar Shnong u Bah B. Sunn u la ujor da ka ejahar pyrshah ïa ki trai khyndew, kata ïa u Bah KP Myrthong bad ïa ka Kong Tespity Wahlang ha ki Pulit ka Nongstoiñ Police Station hadien ba kim shym la ai um shuh ïa ka shnong baroh kawei.
Kane ka jia hadien ba mynta u bnai u Sordar bad u Secretary jong ka VWSC Mawrang ba mynta ki la pyntip sha ki trai jaka buh top urn ba kim lah ban siew bad ongQ ba kan kit khlieh hi ka VWSC barim kaba la ïateh kular (Agreement), la kynnoh kine ki arngut ki nongshong shnong ha u kyrwoh ba la phah sha u Mawphor
Ki la ong, “naduh u snem 2024 ka khubor pynhuri hura ïa ka umbam umdih Jal Jeevan Mission ha ka shnong Mawrang ka la thnem bad mynta lei lei ka la nang jur shuh shuh
“Kane ka la long ka drama, kumno u Sordar u lah ban shu thornbor ïa kaba la dep ïakut ban siew dor da ka VWSC ba ka Dorbar ka la thung bad thung noh da kawei pat ka VWSC ïa kajuh ka jingtrei. Kumta ma u (u Sordar) un kitkhlieh ïa ka jingduh urn ki paitbah jong ka shnong Mawrang,” ki la ong.
“Ym tang ïa ka um, mynta ka la paw pyrthei ba u Sordar ula ïaleh ban knieh sa ïa ki skul ha Mawrang ïa kiba la seng naduh ki snem 1960 terter da ki trai nongseng skul kiba dei ruh ki nongseng shnong. Ïa ki skul la thaw ha ka khyndew lajong kiba la pynïaid mynta la palat 60 snem. Ki khynnah skul ki don palat 1300 ngut bad mynta ka dang don ha ka Kashari pyrshah ïa utei u Sordar. Kumta lada ka jingthmu jong u Sordar kan seisoh ka skul ka lah ban khang khyrdep bad mano ban kitkhlieh namarba ïa ka skul la shna ha ka jaka jong u trai nongseng skul,” la ong kine ki nongphah khubor.
“Baroh ar kine ki kam (um bad ka skul) la pyrshah da utei ujuh u briew (u Sordar) pyrshah ïa ujuh u briew uba dei u trai jaka buh top um bad u nongseng skul uba dei ruh ha ka juh ka por u nongseng shnong,” ki la ong.