Nongstoiñ, Jylliew 23: Na ka bynta ban plie lad plie lynti sha ka lawei ba kham bha ïa ki samla napoh ka jylla, ka Sarojini Damodaran ka la sdang ïa ka jingpynrung kyrteng ïa ki samla napoh ka jylla kiba pule naduh ka klass kaba 11 ban ai scholarship.
Nalor kata na ka bynta kito ki smla kiba la pyndep ïa ka Secondary School Leaving Certificate ha u snem 2025 kiba dei na ki longïing ba duk ba shah jied kin ïoh ruh ïa ki traing ba bun jait kum ka soft skill training, mentoring bad ki jingïarap na ka bynta ka ki kamram jong ki ha ka lawei na ka bynta ban kyntiew ïa ka pule puthi bad ka kami kajih.
Na ka bynta ka por Meghalaya +1 2025 ka scholarship ka dei na ka bynta kito ki samla kiba wan na ki longïing kiba ïoh kamai tang hapoh lai lak tyngka ha ka shi snem. Kiba lah ban aplai ki dei tang ki samla kiba la pass ïa ka SSLC 2025 bad kiba la dep ïa ka test ha kaba ki marks ba ki ioh ka dei ban long 70% bad na ka bynta kiba don jingduna ha ki dkhot met pat kan long 60% lane kiba ïoh A+ ha baroh ki subject.
Katei ka scholarship kan long Rs 1000/- shi snem ha ka por ba ki dang pule ha ka klass 11 bad 12. Na ka bynta kito kiba trei shitom bad kiba dang kwah ban bteng ïa ka jingpule jong ki ki lah ban ïoh ïa ka scholarship kaba Rs 25000 haduh Rs 75000 ha ka shi snem.
Na ka bynta ki samla kiba kwah ban aplai ïa katei ka scholarship ka don ka website www.vidyadhan.org bad ka Vidya App na ka Google Play Store bad ka tarik ban aplai ka la sdang naduh ka 26 tarik Jymmang bad kan kut haduh ka 31 tarik Naitung 2025.
