Shillong, Jylliew 23: Ki nongmihkhmat napoh ka Meghalaya Legislative Assembly ki la leit ban shim bynta ha ka National Conference of the Estimates Committees of Parliament and State/UT Legislatures, kaba ar sngi ba la pynlong ha ka 23 haduh ka 24 tarik mynta u bnai, ha Maharashtra Legislative Assembly ha Mumbai.
Ïa kane ka kynhun la ïalam da u Bah Mayralborn Syiem, MLA (Nongpoh) bad Chairman ka Committee on Estimates, ba la synranlang da ki dkhot ba kynthup ïa u Bah Renikton Lyngdoh Tongkhar (Mawkyrwat), u Bah Wailadmiki Shylla (Jowai), ka Miani D. Shira (Ampati), bad u Arbinstone B. Marak (Selsella). ïa kane ka kynhun la kyrshan ruh da Commissioner & Secretary u Bah Andrew Simons bad kiwei ki heh ophisar ka Meghalaya Assembly Secretariat.
Ïa kane ka jingïalang la plie da u Om Birla, Lamphang ka Lok Sabha. Ha kane ka snem ka theme ka dei “Role of Estimates Committee in Effective Monitoring and Review of Budget Estimates for Ensuring Efficiency and Economy in Administration.”
U Bah Mayralborn Syiem u la shim bynta ruh ha ki jingïasyllok uba la batai ruh halor ka jylla Meghalaya ba ka la shim khia haba ïadei bad ki kam dorbar thaw aiñ, nangta ka mang tyngka bad kiwei kiwei ki kam. Kane ka jingïashim bynta ka long ruh ban pynpaw ba ka Meghalaya ka la shim khia haba ïadei bad ka jingsynshar kaba khuid lyngba ki kam thaw aiñ bapher bapher.
