Shillong, Jylliew 23: Ka la don kawei ka jingujor ba ha ka 17 tarik u bnai Jymmang, 2022 ka bank ka la mang ïa ka business loan sha u Marshal Biam na ka bynta ban thied ïa kawei ka Tata Tipper truck kaba don u nombar ML-11-7320, da kaba buh ruh ïa ki kyndon ba dei ban pynphai ïa ka katei ka kali ka ban long ruh kum ka jingshngaiñ pyrshah ïa katei ka jingshim ram. Hynrei na ka liang utei uba shim ram u shym la lah satia ban siew biang ïa katei ka ram wat hadien ka jingdon ka jingpynkynmaw ba bunsien. La ong ruh ka pisa baroh kadei T. 26,94,733/-. La kynnoh ruh ba u Marshal Biam u la kyntait ban ai ka jingïatreilang bad ka bank na ka bynta katei ka kali.
