Shillong, Jylliew 23: U Ericyan N Marak napoh ka shnong Songsak Agitokgre (EGH) u la phah ka jingujor ba ha ka 4 tarik mynta u bnai u la thied ïa kawei ka second hand iPhone 12 Mini kaba la dei trai da Barmingham R Marak, ha ka dor T. 10,840/- napoh ka ‘Cashify Super Sale’ ha ka Facebook bad la siew ïa katei ka pisa da ka GPay. Hynrei ha ka 6 tarik mynta u bnai utei uba la ujor u la ïohpdiang biang ïa ka jingshah phone ba dei ban siew biang sa kumba T. 600/- na ka bynta ban pynpoi ïa katei ka phone ha kaba u la siew ïa katei ka pisa. Hynrei wat hapdeng ba la siew katei ka tiar ka khlem poi tad haduh kine ki sngi.
