Shillong, Jylliew 22: Ka IIM Shillong ha ka jingïatreilang bad ka Competition Commission of India (CCI), ka la pynlong ïa ka Regional Workshop halor ka jingïakob halor ki kam ka aiñ ha Umsawli.
Ha kane ka prokram la wan ban shim bynta da kiba bun ki heh ki haiñ kiba dei ruh kiba la pyndep ïa ki ki kam pule jong ka aiñ.
Ïa ka workshop la sdang da ka jingkren ka Chairperson jong ka Competition Commission of India, ka Ravneet Kaur. La ïoh ruh ïa ka jingkren pdiang sngewbha na Prof. (Dr.) Nalini Prava Tripathy, Director (I/C), IIM Shillong, haba la banjur halor ka jingdonkam ban pule ïa ka aiñ.
Ka la banjur ruh halor ka jinglong kongsan ka CCI kaba ïarap ban kyntiew ïa ki samla pule na ka por sha ka por. Ha kane ka sngi la don ruh kiwei kiwei kiba la ai jingkren halor ka jinglong kongsan jong ki kam ka aiñ.
