Jowai, Jylliew 22: Ka East Jaiñtia Hills District Football Association (EJHDFA) kala pyntip shen kan sdang noh ïaka lympung ïalehkai phutbol haka kyrdan 3rd Division jong u snem 2025.
Ha kane ka 3rd Division kiba wan ïashim bynta ki don 38 tylli ki kynhun (teams) bad hadien ka jingpynkhalai nasib ïa ki la pynhap ha ki 16 tylli ki Pool. Kiba jop na kawei kawei ka Pool kin ïoh rung sha ka Round-16 (knockout stage).
La pyntip ka jingïalehkai 3rd Division kan sdang ha ka 30 tarik u Jylliew, 2025 (Monday) ha madan Artificial Ground Diengshynrum, Khliehriat naka bynta lai tylli ki jingïakhun haka por 11 baje mynstep ka Teilang SCSC Lummyrlli pyrshah ïa ka Narwan SCSC. Ka Mookhep SCSC pyrshah ïa ka Youngstar SCSC haka por 1 baje nohphai sngi. Katba ka Tongseng Youth SYSC pyrshah ïaka Umlong SCSC haka por 3 baje nohphai sngi.
