Jowai, Jylliew 17: Ka seng ki nongñiah kali kamai hapoh ka lama jong ka Sohmynting Tourist Taxi Association hapoh ka jingïalam u President ka seng u ma Damehipaya Kyndait ha ka jingdonlang u ma Khroo Lamsalanki Pariat, Jerry Anderson Suting bad ki dkhot jong ka seng hynnin ka sngi kila pynlong ïa ka jingthung dieng ha shnong Sohmynting, West Jaiñtia Hills District.
U President ka seng ula ong ka jingmit jong ki shakhmat ban thung bad sumar ïa ki dieng ki siej ka long na ka bynta ka lawei jong ka mei mariang kaba long kum ka matpdeng ba ka seng kala buh thong na ka bynta une u snem “Rooting for a Green Tommorow”, kum shi bynta ban wanrah ïa ka jingkhuid jong ka lyer.
Ha kajuh ka por ka seng ka ai khublei kyrpang ïa u ma E.M.H Passah uba la ai sngewbha da kitei ki symbai dieng nemo sha ka seng ban ïoh thung ha katei ka sngi.
