Shillong, Jylliew 21 : Ka ïing bishar High Court jongka jylla ka la pynwai noh ïa ka mukotduma PIL na ka bynta ban pynsangeh ïa ka jingtih shyiap beaiñ ha ka jylla namar ïa kane ka kam yn sa shimti da ka National Green Tribunal.
ïa kane ka rai la shim da ka ïing bishar mynta ka sngi bad ïa ka mukotduma la pynkut noh namar la shaniah ba ka ïing bishar NGT kan leh ïa kaba donkam halor kane ka jingtih shyiap beaiñ ha ka jylla.
U Amicus Curiae u S.Sen ula pyntip ba ka NGT kan shimti ïa kane ka kam ban peit ba kane ka jingtih shyiap beaiñ ka dei ban sangeh noh ha knae ka jylla, kumba la pynmih jingpynbna ruh da ka sorkar ha u Jymmang mynta u snem. Na ka liang ka ïing bishar ka la bthah ïa ka tnad sorkar ba dei peit ïa kane ka kam ba ka dei ban phah kopi ïa kata ka jingpynbna sha ka ïing bishar NGT kaba peit ïa kane ka thaiñ ha Kolkata.
