Khliehriat, Jylliew 14 : Ki nongïalam bad ki dkhot nongkitkam ka Sur U Paidbah, East Jaiñtia Hills District (EJHD) ha ka 13 tarik Jylliew kila leit ban aiti ïa ka song pisa kaba T.17285/- sha kawei ka longïing kaba dei ka lanot pluh ïing haka shnong Jalyiah.
Kane ka jingjia pluh ding haka shnong Jalyiah ka dei kaba la jia ha u bnai Rymphang 2025.
U Chief Adviser ka Sur u Paidbah Ma Kerlang Ksoo haka jingiadonlang u Ma Streamly Nangjop Suchen, Ma Shaniahskhem Dkhar bad u Ma Shwari Ryngkhlem kila aiti ïa kane ka song pisa sha kane ka lanot.
Ka Sur U Paidbah kala pynpaw ba kane ka pisa ka dei kaba lum na ki para nongshong shnong jong ka thaiñ bad kat kaba ki ioh lum kila synniang sha kane ka longïing.
Ha kane ka jingaiti ïa kane ka song jingiarap la ïa donlang u Waheh Shnong Jalyiah, Ma Shillong Dkhar.
