Shillong, Jylliew : Kane ka dei ka snem kaba 20 jong ka jingpynlong ïa ka jingpynlong ïa kane ka ïew wad jingstad, ha ka nongbah Shillong kaba dei kawei na ki 6 tylli ki nongbah jong kane ka thaiñ shatei lam mihngi nalor jong ka Bangladesh bad Bhutan. Kane ka ïew wad jingstad ka la long hynnin ka sngi ha All Saint Hall, IGP Point, Shillong ban plie lad pat ïa ki samla pule ban plan ia ka lawei jong ki ha ka jingpule.
Ka kabu ban wad ïa ki lad jingule ka plie ia ki samla hadien jong ka Class 12th, kumta hadien jong ka Result kaba dang mih ha kine ki khyndiat sngi, ki samla ka jylla kin ïoh ïa ka lad bah ban ïakynduh ïa ki nongmihkhamt jong ki jaka pule ne ki college/university bapher bapher kiba napoh ka ri India bad na bar ruh kumjuh ha ki ar sngi lynter ka ban kut mynta ka 22 tarik Jylliew 2022.
Ki samla pule ha kine ki sngi ki don shibun ki lad ban lum jingtip lyngba ki kor ki bor internet, hynrei ka jingwan sha ka Edufest ba la pynlong da ka Lynchpin kawei na ki kynhun ba lah ban shaniah eh ka long ka kabu kaba khraw ïa ki bad ïa ki kmie ki kpa ruh kumjuh.
Ka Edufest ka dei ka ïew jingstad ha kaba tang ki AICTE, UGC, MCI, DCI accredited college ki lah ban ïashimbynta, ka ban pynsuk ïa ki samla pule bad ki kmie ki kpa ban ïoh ïa ki jingtip kiba pura ha kaba ïadei bad ki jingdonkam ba ïadei bad ki jingpule, ki hostel, ka admission bad kiwei kiwei markhmat bad ki nongmihkhmat jong ki skul bah bapher bapher.
Ki skul bah ba pawnam jong ka India kum ka Amity University, Manipal Tata Medical College ki dei ki katto katne na ki 35 tylli kiwei pat ki skul bah kiba wan ban ïashim bynta ha kane ka Edufest, kata kynthup ruh ïa ki University ki ba na U.K, Australia, Germany bad kiwei pat.