Shillong, Jylliew 12: Ha kine ki sngi ka jylla Meghalaya la sakhi ïa ka jingtyrkhong jong ka suiñbneng hadien ka jingjur jong u slap ha ki sngi ba la dep, ka jingkiew jong u mercury ne ka jingshit ka la long ha kylleng ka jylla.
Ha kine ki sngi ka nongbah Shillong ka la poi ka jingkiew ka jingshit sha ka 23.4 degrees Celsius ha ka sngi Palei.
Ha kawei ka liang pat ha ka sngi Balang la ïathuh ba ka jingshit ha Sohra ka la poi 28.6 C (5.4 degress na kaba ju long manla ka por) bad ha Umïam ka la ong 32.6 C (4.0 degree na kaba ju long manla ka por), kane ka long katkum ka jingpyntip na ka liang ka Indian Meteorological Department (IMD) ha ka kyrwoh khubor.
Wat ka jingshit kaba duna mynta ka kynti ka la kiew na kaba ju long manla ka por. Kat haduh ka sngi balang ka jingshit kaba duna tam ka la long 19.0 C ha nongbah Shillong (1.8 degree shalor na kaba ju long manla ka por), nangta 19.6 C ha Sohra (2.0 degree shalor na kaba ju long man la ka por) bad 20.4 C ha Umïam (3.0 degree shajrong na kaba ju long manla ka por).
Katkum ka website jong ka IMD, ka jingshit ha Tura ka la long hapdeng ka 33.9 C bad kaba duna pat ka long 28.0 C bad ha Nongstoiñ ka jingkiew ka jingshit ka la long hapdeng 27.9 C bad 18.2 C ka dei kaba duna tam.
