Jowai, Jylliew 21: Ki bor pynïaid phutbol jong ka West Jaiñtia Hills District Sports Association, (WJDSA) Jowai lyngba u Hony. General Secretary ma Lammat-oo Laloo ula pynbna, shen yn sa sdang noh ïa ka lynpung ïalehkai phutbol kaba la tip kum ka ‘Independent Days Cup’ ha ka kyrdan Under-16 Football League cum knock-out Tournament-2022.
Ha kaba ïadei bad kane la khot bai rung (Entry) na ka bynta kawei ka kynhun ïalehkai kaba long haka dor 1,500/- tyngka, ïa ka bai Registration uwei u rangïalehkai (player) kan long 30/- bad ym dei ban tam ïa ka 25 ngut lane duna ïa ka 20 ngut ki rangïalehkai na kawei ka kynhun.
Ka rta jong ki nongïalehkai kan long ïa kito kiba la kha ha ka 1 tarik u January 2007, da kaba kin hap wan rah lang ïa ki Certificate ba la ïoh na ki bor sorkar ban pynshisha ïa ka rta jong ki.
Ka tarik ba khadduh ban pdiang ïa ki kynhuh kiba kwah ban ïashim bynta ha kane ka lympung kan long hashaw ka 9 tarik u July 2022 da kaba pynpoi sha u Hony. General Secretary ka WJDSA. Kiba poi hadien jong katei ka tarik ba la buh ym lah ban pdiang shuh ïa ki.
