Shillong, Jymmang 21 : Ka sorkar jylla ka la mang haduh 157.9 klur tyngka na bynta ban tei ïa ka mini secretariat ha Dakopgre, Tura ha West Garo Hills District, ong ki thymmei khubor ha kane ka sngi Balang.
Ïa kane ka project la khmih lynti ban pyndep noh hapoh ki 24 bnai.
Lah ban kdew hangne ba ka sorkar jylla ka la rai ban tei da ki mini secretariat ha baroh ki district headquarter jong ka jylla na ka bynta ban kyntiew ïa ka jingshakri da kaba wanrah ïa baroh ki tnad sorkar hapoh kawei ka rynsan.
Ka jingthmu ka long ban kyntiew ïa ka rukom synshar jong ka sorkar jylla khnang ba ki paidbah kin ïoh ïa ka jingshakri kaba kham bha bad kham paka na ka sorkar.
