Dawa pynlong ïa ka International Film Festival ha Jowai: AJFM&AA
Pynsngew ki nongtrei Muster Roll ïa ki jingdawa ha u MR
Jowai, Jymmang 21: Ka All Jaiñtia Film, Music and Art’s Association haka jingïakynduh bad u Myntri Rangbah ka sorkar jylla mynta ka sngi ha CTC Orchid Inn, Thadlaskein, kila dawa ban pynlong ïa ka International Film Festival ha Jowai.
Na ka liang u Myntri Rangbah ula pynpaw ka jingsngewkmen halor kane ka jingdawa kaba donkam eh, da kaba pyntip hadien kane un sa pynlong ïa ka jingïatai hapdeng u MLA bad u myntri ka tnad Tourism ka jylla ban ïoh leh ïa kaba donkam.
Ha kaba ïadei bad ka jingkyrpad ka All Jaiñtia Muster Roll and Labour Union ban pyntreikam ïa ka rukum siew tulop ïa ki nongtrei kaba long katkum ka Minimum Wages bala pyntrei thymmai da ka sorkar naduh ka 1 tarik October 2023.
Kumjuh ban pyntrei kam ïa ka Regular Casual Worker (RCW) bad ban pynïoh ïa ka bai bam tymmen jong ki nongtrei Muster Roll kiba 58-60 snem bad ban pynkiew ïa ka bai nong katkum ka (service) treikam jong ki.