New Delhi, Jymmang 09 : Hadien ka Operation Sindoor kaba la pynjot ïa 9 tylli ki ktem jong ki lehnoh ha kylleng ka Pakistan, ka Pakistan ka la pyrshang ban pynjur ïa ka jingïakynat da kaba siat ïa ki namding ha ki jaka shipai jong ka India ha kylleng ka Jammu and Kashmir, Punjab, Rajasthan, bad Gujarat. Ïa uwei pa uwei na kita ki namding la lah ban khanglad ne pynduh. Ym uwei ruh uba poi sha ka thong ba la thmu.
Ka jingpynphai kaba stet bad kaba don ka jingïatreilang jong ka India ka la pyni ïa ka kam air defence jong ka—ba la tei da ka jingtrei shitom ha kine ki 11 snem ba la leit noh hapoh ka jingïalam jong u Myntri Rangbah duh Narendra Modi bad ka la pynpaw ruh ïa ka jinglong lamler jong ka kam ïada suiñbneng jong ka Pakistan.
Ka Integrated Counter-Unmanned Aerial System (UAS) Grid, S-400 Triumf systems, ki namding Barak-8, ki namding Akash Surface-to-Air, bad ki buit jong ka DRDO ban ïaleh pyrshah ïa ki drone ki la ïatrei lang khlem jingeh ban ai ïa ka jingda na ki jingma ba wan na suin kaba la treikam bha.1
Ka India kam shym la sangeh ha kaba ïada. Ka la pynphai da ka jingsted bad jingthikna. Ka Operation Sindoor ka la sakhi ba ki shipai India ki la hiar thma shapoh ki jaka jong ka Pakistan, ha kaba ki la pynduh ïa kawei ka rynsan ïada suiñ HQ-9 ba la ai da ka China ha Lahore bad pynjulor ïa ki jingtei radar ba kongsan. Ka Shisnem jong ka jingpynkhreh ba thymmai
Kane ka jingpynkhreh kam shym la urlong ha tang katto katne sngi. Naduh u snem 2014, ka sorkar Modi ka la kyntiew ryntih ïa ka lad jong ka India ban ai jingïada na ki jingma kiba wan na suiñ. Ki jingthied bad ki jingkyntiew kam kiba kongsan ki kynthup ïa:
https://economictimes.indiatimes.com/news/defence/iaf-activates-three-s-400-missile-units-on-the- 1 china-pak-border-meeting-with-russian-officials-soon-to-discuss-final-delivery-schedule/articleshow/ 104832281.cms?from=mdr
Ka jingiakut kaba T. 35,000 klur na ka bynta phra tylli ki squardron jong ki liengsuin S-400 Triumf, ba la soi ha u snem 2018, ha kaba lai tylli ki squardron liengsuin ki treikam mynta ha ki jaka khappud bad ka China bad Pakistan .
Ka jingpyndonkam ïa ki namding Barak-8 Medium-Range Surface-to-Air Missile (MR-SAM), ka jingïakut kaba $2.5 Billion ba la ïasoi ha u snem 2017 bad ka Israel, kaba mynta ka ai jingïada ïa ki jaka kum ka Bhatinda.
Ki naming Akash ba shna hi hapoh ka ri bad ki rynsan ba shna da ka DRDO ban ïaleh pyrshah ïa ki drone.
Ka Man Portable Counter Drone Systems (MPCDS) ban tehlakam bad pynduh ïa ki UAV kaba la pynbiang ha u snem 2024. Ka jingkiew ka teknoloji jong ka India ha ki rukom ïakhun katkum ka juk mynta
Ka Operation Sindoor ka dei ruh ka jingpyndonkam kaba nyngkong eh jong ki atiar loitering munition— ki suicide drone ba la pan ha u snem 2021 bad ba la shna ha India. Kine ki drone ki dei kiba la pyntreikam ha kajuh ka por, ha kaba ki la ther ïa ki jaka bapher bapher, ha kaba ki lad ai jingïada jong ka Pakistan kim shym la lah ban ai jingïada eiei ruh na kine ki jingther.3
Shuh shuh, ki Harop drone kiba dei na Israel — bad kiba la shna mynta hapoh ka India— ki dei kiba la pyndonkam ban ther bad pynduh ïa ki lad air defense ha Karachi bad Lahore. Kine ki rynsan, ryngkat bad ka jingpyndonkam ïa ki liengsuin Rafale kiba la kit ïa ki namding SCALP bad HAMMER, ki la pyni ïa ka bor jong ka India ban pyni ïa ka bor da ka jingthikna.4
Ka suinbneng ka long kaba shngain, ka burom ka dei kaba la pynskhem.
Ka rukom treikam ka Sorkar Modi na ka bynta ka kam ïada ri kam dei tang ka jingpyni ïa ka rong phong – ka dei shaphang ka jingtei ïa ka jinglong jingman kaba khlain bad kaba bun bynta.
https://www.timesofisrael.com/indias-modi-approves-nis-9-4-billion-missile-deal-with-israel/ 2 https://www.thehindu.com/news/national/operation-sindoor-loitering-munition-used-against-terror- 3 bases-developed-in-bengaluru/article69550708.ece https://timesofindia.indiatimes.com/india/what-are-harop-drones-weapon-used-by-india-to-target- 4 pakistan-air-defence-systems/articleshow/120995810.cms
Mynta ka India ka pyndonkam ïa ka rynsan ïada ïa ka suinbneng kaba ïaid da ka teknoloji kaba lah ban lap, tehlakam bad pynduh ïa ki jingma shuwa ba kin ktah ïa ngi.
Ka Operation Sindoor ka la ai ka khubor kaba shai: Ka India ka lah ban ïada ïa ka suinbneng jong ka – bad ka lah run ban pynïaid ïa ka ha ka rukom ba ka mon. (PIB)
