Shillong, ïaïong 23: Shuwa ban sdang ka lympung ïalehkai ba la tip da ka ‘3rd NECDC Senior Men’s Interstate Friendship Tournament 2025’ ha u bnai ban wan, ka Meghalaya Cricket Association ha ka sngi Balang ka la pynbna ïa ka kynhun ïalehkai kaba don 15 ngut ki ban mihkhmat ha kane ka lympung, ka ban long ha Nagaland.
ïa kane ka lympung yn pynlong da ka Nagaland Cricket Association hapoh ka jingpeit jong ka North East Cricket Development Council. Ka jingthmu jong kane ka lympung ka long ban ïarap ban pynkhreh ïa ki jylla ka thaiñ shatei lam mihngi na ka bynta ka samoi ïalehkai BCCI 2025-26 kaban sa wan.
Ha kane ka kynti, ka Meghalaya ka la shah pynngat ha ka Group B ryngkat ka lahduh ba bat ïa ka burom ka Nagaland bad ka Sikkim. Ha ka Group A ki kynhun ki kynthup ïa ka Manipur, Arunachal Pradesh bad ka Mizoram. Ki ar tylli ki kynhun kiba wan hakhmat eh na kawei pa kawei ka group kin ïoh rung sha ka semifinal.
Ka Meghalaya kan ïakynduh pyrshah ïa ka Nagaland ha ka sngi sdang, 05 tarik Jymmang, bad nangta kan ïakhun pyrshah ïa ka Sikkim ha ka sngi ba bud. Ki jingïakhun semifinal la buh ban long ha ka 08 tarik Jymmang bad ka final ha ka 10 tarik Jymmang.
Ka komiti jied rangïalehkai ba la kham rangbah (senior men selection committee) jong ka MCA ka la jied ïa 15 ngut bad ka la buh sa san ngut ki nongïalehkai kiba lah ban mih bujli lada don ba mynsaw (standby). U Moisten Ch Marak u la shah jied kum u head coach.
Ka thup kynhun jong ka Meghalaya ki long: Nishanta Chakraborty, Arpit Bhatewara (WK), Kishan Lyngdoh, Swastic Chettri, Lerry G Sangma, Jaskirat Singh Sachdeva, Akash Kumar Chaudhary, Abhishek Kumar, Aryan Borah, Himan C Phukan, Swarajeet Das, Bamanbha Shangpliang, Ram Gurung, Dippu Sangma, Arien Bonchang Sangma (WK)
Standbys: Yogesh Tiwari, Md Nafees Siddique, Riboklang Hynniewta, Pankaj Mandal, Robert Sangma
Support staff: Moisten Ch Marak (head coach), Shiva R Sangma (assistant coach), Surojit Biswas (physio), Vikash Singh Chauhan (trainer), Banteibor Lyngdoh (manager)
