Yn wad bad pynshitom ka KSU ïa ki Dalal myndie Ri ba ju pynrung tuh ïa ki khar Bangladeshi

Shillong, ïaïong 21: Ka Khasi students’ Union (KSU) War Jaiñtia circle ka dap da ka jingsngew khia kaba jur haba la ïoh jingtip ba ki don katto katne ki riew shim kabu kiba dei ki dalal kiba thmu ban pynrung tuh ïa ki khar Bangladesh sha kane ka jaka ka jylla.
Ka Seng ha ka jingïakynduh kyrkieh ka la shim ïa ka rai ban wad bad pynshitom da kaba tyngeh ïa kito ki dalal kiba long ki nongdie ri kiba shim kabu ban kamai pisa jubor khlem da kheiñ shuh ïa ka jingma ba ka Jaitbynriew ka ap ïa ka jingwan buhai Shnong da kine ki poi ei na ri Bangladesh. Ka seng lada ka lap ïa kum kine ki jaidbriew kan ym map da lei lei ruh watla da dei da kino kino ki lynti ruh kam salia.
Kum ka seng ka khot ka wer lang ïa ki paidbah jong ki thaiñ khappud lada ki lap kum kine ki jaid briew ki dei ban ai jingtip noh mar mar sha ka seng khnang ban ïoh leh ïa kaba donkam.
Ka seng ka la kyntu ruh ïa ki paidbah nongshong Shnong ban ai ïa ka jingïatreilang bad ka seng na ka bynta ka jingshngaiñ ka ri bad ka Jaitbynriew, pynkut ka kyrwoh na u Samla Platini Mukhim General Secretary KSU War Jaiñtia circle.