Jowai, Ïaïong 21: U District Magistrate ka West Jaiñtia Hills, u Shri. A.K. Singh, IAS, ula pynbna bala pyntreikam ïaka kyndon 163 BNSS, kaba khang pyrshah ïa ka jingkhrong bai Entry beaiñ ha ka surok ba ïaid sha Kupli Orchid Resort.
La ïoh jingtip ba ka Dorbar Shnong jong ka Shnong Priang, West Jaiñtia Hills District, kala pynlong ka jingkhrong bai Entry ha ka surok kaba leit sha ka Kupli Orchid Resort, kaba dei ka jaka ba la shimti da ka tnad Tourism Department jong ka sorkar jylla.
Da kaba pynshong nongrim haka kaiphod na u Block Development Officer, Laskeiñ C&RD Block, ki don ki seng treimon sngewbha bapher bapher bad ki riew shimet kiba la ju pynlong ïa ka jingkhrong bai Entry ban leit sha ka Kupli Orchid Resort kaba la wanrah shibun ki jingeh bad jingkhanglad ïa ki paidbah nongleit nongwan lyngba kane ka surok.
Khnang ban ïada na kano kano ka jingpynthut, u District Magistrate u la pynmih ïa ka hukum ban khang pyrshah mardor ïa kum kine ki kam lum khajna beaiñ ha katei ka jaka.
