Shillong, Ïaïong 20: Ka sorkar jylla ka la ai ka bor kaba la tip ka ‘Special Executive Magistrate’ ha ki Inspectors General of Police, Deputy Inspectors General of Police bad Superintendents of Police of Meghalaya Police.
Kine ki pulit ophisar mynta kin don ka bor ban pynjari ïa ki hukum ban khang ne ïada na kino kino ki jingjia kiba pynthut ïa ka imlang sahlang.
Nalor kane, ki pulit ophisar ki lah ruh ban shim ki sienjam ban kem kum ka jingïada ban pynneh ïa ka shongsuk shongsaiñ, ban beh ïa ka jingïalum paidbah da kaba pyndonkam ïa ki civil force, kin pynmih ki hukum ban weng ïa ki jingkiw kiw kaw kaw jingïahylla, ban wad ki jingïadei na ki riew shimet na ka bynta ka bha ka miat, ban shim kam pyrshah ïa ki briew kiba mut ban wanrah ki jinghuri hura bad kiwei kiwei.
