Shillong, ïaïong, 20: Ki shipai BSF jong ka 193 Battalion kiba la ïoh jingtip na ki tnat syntiat ki la lah ban pynpulom ïa ka jingkhaii tuh ïa ki masi na khappud sha ka ri Bangladesh.
Ki don haduh 69 tylli ki masi ba ki shipai BSF ki la ïoh kurup hadien ba la lap ïa ki na kawei jaka ba la buhrieh ha khlaw kaba don hajan ka khappud jong ka East Khasi Hills District da ka jingthmu ban shalan beain sha ka ri Bangladesh.
Ki shipai BSF ki la ïai bteng ban ïatreilang ryngkat bad ki bor synshar District kynthup bad ki bor Pulit ban khanglad ïa ka jingkhaii mar tuh bad ban ïada ïa ka jingshong shngaiñ ha ka ri.
Ïa ki masi ba la ïoh kurup la aiti noh ha ki bor ba dei peit ban leh ïa kaba donkam katkum ki kyndon jong ka aiñ.
