SHILLONG, ïaïong 15: Ka jingïakop shut penalty lane ka ‘Penalty Shoot’ kaba la ap khmih lynti bha jong ka Dinet Manik Syiem Memorial Higher Secondary School kala sdang ha Madan Laitkor ha ka 12 tarik Risaw bad kane ka jingïakop shut penalty ka la lumlang haduh 30 tylli ki kynhun na ki bynta bapher bapher jong ka nongbah Shillong bad na Ri-bhoi.
Haba ai jingkren sha ki lad pathai khubor, na ka liang u Organising secretary u Bah Ownlight Mylliemngap u la ong,”Kum kane ka jingïalang kaba ïashim bynta ka pyni ïa ka mawjam kaba kongsan ha ka jingkular jong ka skul ban wanrah ïa ki sap ba tbit tam na kylleng ka jylla, da kaba ai ïa ki ïa ka jingshai. Ngi pyrshang ruh ban pynlong ïa ka kum ka jingialehkai kaba kynthup lang ïa baroh da kaba pynrung ïa ka kyrdan ïakop jong ki khynnah kynthei.”
Kiwei pat kiba kongsan ha kane ka sngi ki long ki jingïalehkai bad ki jaka die jingbam kiba la pyni ïa ka dor jong ki sha ka jingïalang pynkut ïa ka Jubili Rupa jong ka skul hapoh une u snem.
Ha kane ka sngi la sam ïa ka song pisa kaba sawphew hajar tyngka sha ka kynhun ïalehkai ka Ri-bhoi da u Walden R. Massar, MCS, Assistant Commissioner, Mairang bad u Drimsibon Kharkongor, Principal Dinet Manik Syiem Memorial Higher Secondary School.
