Pynlong ka NIT ïa ka Shishir 2025 ha Sohra, shim bynta ki samla pule ban pynpaw ïa ki sap

Shillong, Ïaïong 03: Ka National Institute of Technology (NIT) Meghalaya ha ka sngi Palei ka la sdang ban pynlong ïa ka cultural extravaganza, Shishir 2025 ha Sohra. Ha kane ka tamasa ka la long kaba kyrpang naba la pynlong ha ka sien kaba nynkong hapoh ka permanent campus. SHISHIR ka dei ka rynsan kaba la pynlong na ka bynta ka art, music, bad ka jingïapher kaba wanrah lang ïa ki samla pule na kylleng ki jaka. Kane ka tamasa ka long ruh ban kyntiew ïa ki kam jingïakop bad kiwei pat ki rynsan jong kiba paw ha ki kam artist.
La ong ba ka Shishir kam dei tang ka jingjia hynrei ka dei ka canvas of dream, bad kiwei pat ki sap ha ki kam bapher bapher. Kane ka rynsan ka ailad ruh ban pyni ïa ki sap bapher bapher la ka long ha ki ktien ki thylliej bad kiwei kiwei ki bynta.
Ïa kane ka prokram la plied a A. Wanshai Shynret, Deputy Director, NEIAH Shillong kum u kongsan ha ka jingïadonlang ka Anendya Raajsshre, IAS (SDO, Amlarem Civil Sub-Division, West Jaiñtia Hills kum symbud kongsan bad Director, Professor Pinakeswar Mahanta.
Ka la don ruh ka classical ba la pyni da Pandit Satish Vyas (Padma Shri) kaba la sakhi ha ka sngi kaba nyngkong jong ka SHISHIR na ka SPIC-MACAY Heritage Club kaba la ainam ïa ka Indian Classical Music. Ha ka sngi baar kan don ka concert ban pynlong da nongrwai Bollywood Tushar Joshi. Ha kane ka cultural fest, kin don bun ki prokram kum ka PANACHE, SHIMMER, SYMPHONY, Battle of Bands, Flash Mob, Step Up bad kiwei kiwei.
Ka Dance and Drama Club jong ka SAC ka dei kaba don bynta ban pynlong ïa ka Drama Play kaba ai lad ïa ki samla pule ban pyni ïa la ki jong ki sap. La ong ba na ka liang ka Literary Club kan pynlong ïa ki prokram kum ka Open-Mic and Extempore Speech da ki samla pule. Ha kaba ïadei bad ka Photography and Fine Arts Club, kan pynlong ïa ki prokram kum ka Reel Making Competition, Photowalk bad kiwei kiwei napdeng ki samla pule. Ka la don ruh ka Food Fest and Cultural Exhibition na ka EBSB Club.