Nongstoiñ, Jylliew, 16: Uwei u samla u ba la 23 snem ka karta, u ba la tip kyrteng kum u (L) Dimetrus Nongsiang na ka shnong Nongkung, u la dkhat jubor ïa la ka jingim ha u tyllai phasi. Katkum ki thymmei khubor ba la ïoh lum mynta ka sngi, la ong ba ïa katei ka jingjia la lap ha ka por 4.30 jong ka janmiet sngi balang ka 15 tarik, ha kaba u bah Selestin Nongsiang u la leit ban pyntip sha ki pulit.
Hadien ba ki pulit ki la ïoh ïa katei ka jingpyntip, ki la leit sha katei ka jaka ban sorjamin ha kaba la lap ba katei ka jingjia ka dei kaba u la leh hi. Kumta la pyndep ïa ka post mortem bad hadien ba u majistor u la pynbit pynbiang ïa ki jingdonkam, la aiti noh ïa ka met sha kiba ha ïing.
