Shillong, Lber 11 : Ka kynhun ïalehkai jong ka Sputnik CC ka la ïoh ban pynliem noh da 6 wiket ïa ka kynhun ïalehkai jong ka Raj Bhavan CC ha ka lympung ïalehkai kriket ba tip kum ka Inter Office Cricket League 2025 ba la pynïaid da ka East Khasi Hills Cricket Association hynne ka sngi.
Ha ka jingïakhun ka Sputnik CC hadien ba ka la jop ïa ka jingkynting pisa ka la jied ban kawang nyngkong. Kumta ka Raj Bhavan haba ïoh ban tied nyngkong ka la ïoh ban kamai 121 ron bad hap lut ki rang tied.
Na ki rangtied u Ankit Kumar u la ïoh ban kamai 32 don na ki 32 bol katba Joydeep Deb u la ïoh ban kamai 23 ron na ki 38 bol.
Na ki rangkawang bol pat u Avinav Choudhury u la ïoh ban khur 5 wiket na ki 9 over bad ai kamai 18 ron, katba u Md Nafees Siddique u la ïoh ban khur ar wiket na ki 5 over bad ai kamai 14 ron.
Haba beh ïa ka thong ka Sputnik CC ka la ïoh ban kamai 123 ron la 4 wiket ha ki 17.3 over. Na ki nongtied u Swarjeet Dad u la ïoh ban kamai 57 ron na ki 45 bol katba u Ashif Khan u la ïoh ban kamai 19 ron na ki 21 bol.
Na ki rang kawang bol pat u Rosham Ram u la ïoh ban khur shi wiket na ki 7 ron ha ki 2 over bad u Robin Chettri u la ïoh ban khur shi wiket na ki 5 ron ba u ai kamai ha ki shi over.
Kane ka la pynlong ïa ka kynhun ïalehkai jong ka Sputnik CC ban jop suk da ki 6 wiket. Ïa ka khusnam player of the match ha kane ka sngi la ïoh da u Avinav Choudhury uba la ïoh ban khur 5 wiket.
