Khliehriat, Rymphang, 21: Ki paidbah nongshong shnong jong ka shnong Tangnub, East Jaiñtia Hills District ha ka sngi Thohdieng ki la pep ban leit ïashim bynta ha ka jingthep vote ban jied ïa ki nongmihkmat ba thymmai sha ka Jaiñtia Hills Autonomous Distric Council (JHADC).
Ka jingpep jong ki paidbah nongshong shnong jong ka shnong Tangnub ban leit thep vote ka long halor ka nongrim ba ki la sat sia namar ka jingbym hun satia ïa ka jingphiah ïa ki shnong da ka Delemination Committee jong ka JHAC kaba la pynhap ïa ka shnong Tangnub sha ka Saipung-Nongkhlieh Constituency. Naduh kito ki por ki paidbah ki ladep byrngem lypa ban nym treh ban ïa shim bynta ha ka MDC Election.
La sakhi ruh ba ki Polling Station ha ka shnong Tangnub ki thylli lut naba ym don satia ki paidbah ki ban ieng laiñ ban thep vote.
Ha Saipung-Nongkhlieh Constituency ki kyrtong kiba ïakhun ki kynthup u Bah Arbor Hima Darnei na ka NPP, Bah Lalwillama Theite na ka Indian National Congress, u Bah Prince Sukhlaiñ na ka VPP.
