Jowai, Jylliew 13: Ka jingïalehkai phutbol jong ki khynnah skul ne ka ‘Inter School Subroto Cup Football Tournament- 2022’ bala pynïaid da ka ophis u District Sports Officer West Jaiñtia Hills District, Jowai kala la long ha ka 13 tarik ha madan Kiang Nangbah Stadium, Jowai.
Haba phai sha ka jingïalehkai jong ka kyrdan Under-14 ki khynnah shynrang la wan ban ïakhun nyngkong da ka Mihmyntdu Secondary School kaba jop da 4-1 kol ïa ka Shangpung Govt. U.P RMSA bad ka Padu Secondary School ka la jop da 10-0 kol ïa ka Don Bosco Secondary School Mihmyntdu.
Ka Advantist H/S School ka la jop da 3-0 kol ïa ka Archivers Secondary School Ummulong. Ka St. Claret Secondary School Phramer kala pynliem da 2-0 kol ïa ka Moodymmai Secondary School.
Katba ha ka liang ki kynthei haka kyrdan Under-17 ka Pdengshakap Secondary School kala jop da 2-0 kol ïa ka Sawlyngdoh H/S School Mowkaiaw, ha kaba ka Moodymmai Secondary School kala pynliem ïa ka St. Claret Secondary School Phramer lyngba ka jingïashut Tie Breaker.
