Khliehriat, Jylliew 13: Kum shibynta ban iarap ban kyntiew ïa ka stad ka tip ha ka thaiñ, ka tnat treikam C.S.R jong ka company dewbilat ka Star Cement Lumshnong ka buh ka jingpynbna ba ka ka CSR kan pynlong ïa ka exam (test) ïa baroh ki khynnah pule kiba na East Jaiñtia Hills District, kiba pule ha ka kyrdan ba khatar (12th standard) ka ban long kum shibynta ban iarap ïa ki kum ka Scholarship ka ban ai tang shi sien ai.
Ïa katei ka Test ne ka exam yn pynlong ha ka 21 tarik u jylliew 2022 bad yn pynlong ha Star Public School, Lumshnong, ha ka por 1 baje haduh 2.30 baje noh phai sngi, kaba long 90 minit bad 90 tylli ki jingkylli bad yn jied san phew ngut ki khynnah kiba pass bha ïa ka test ki ban ioh ïa katei ka scholarship kaba da ka khung pisa .
Kito ki shi phew ngut ki khynnah kiba pass bha ha ka thup ba nyngkong kin ioh ïa ka scholarship kaba mar T 50000 (san phew hajar) tyngka, ki ar hew ngut ki khynnah kiba rung ha ka thup ba ar (2nd 20 students) kin ioh ïa ka scholarship kaba mar T 30000 (lai phew hajar) tyngka bad ki ar phew ngut (3rd 20 students) ki ban rung ha ka thup kaba lai kin ioh ïa ka scholarship kaba mar T 15000 (khatsan hajar) tyngka.
La ong ba kane ka jingai scholarship ka CSR jong ka tar Cement Company ka long kum ka jingpynshlur ïa ki khynnah ban kiew shaphrang ha ka jingnag jingstad bad ban kiew sha duh ki kyrdan kiba kham shalor, kumta la khot bad wer ïa baroh ki khynnah (12 standard) na East Jaiñtia Hills District ba kin wan ban iakhun ïa katei ka Exam ne ka Test kaba yn sa pynlong ha katei ka sngi.
