Mairang, Jylliew 13: Ka KSU Nongkhlaw Circle kum ka jingkynmaw burom ïa ka sngi ïap ka ba 187 jong u Pa’iem Tirot Sing Syiem, mynta ka sngi ka la plie pyrda ïa ka Tirot Sing knock out Football Tournament 2022.
Ha kane ka sngi la wan plie da u Bah Philip Warji kum u Kongsan, bad Symbud Kongsan u Samla Spaiñder Sing Lyngkhoi uba dei u Office Secretary Sengkmie ha kajuh kapor kum u Incharge ka KSU West Khasi Hills District Unit. Kiwei ki long u Mixz Samakha Finance Secretary jong ka KSU West Khasi Hills District Unit, u Samla Wanbhakupar L. Nonglait Organising Secretary, Blastarland K. Bani u ba dei u office Secretary.
Ka program ka ka phuh ka phieng lyngba ka jingwan sakhi ki paitbah ïa katei ka lympung na katei ka thaiñ ha ka jingdon lem don ryngkat u Sordar Shnong Nongkhlaw u Bah Klemen Dkhar.
U President ka KSU Nongkhlaw Circle u Samla Rangshai Ryntathiang, Sordar Shnong Nongkhlaw, nangta na u Finance Secretary jong ka District, ka jingkren na u symbud Kongsan bad na u Kongsan. Baroh ki kren ïa kajuh ka phang kumno ban kyntiew ïa ka kam ïalehkai hapoh ka jylla, khamtam ban mih ki rang ïalehkai bad ki thei ïalehkai na la ka jong ka Jaitbynriew, ha kaba da lei lei ym dei ban shah knieh ha ki nongwei lane kiwei pat ki Jaitbynriew.
Ki kynhun ba wan ïa shim bynta ha katei ka Tournament ki long 16 tylli na katei ka thaiñ bad ka nam jingjop ïa kino kino ki teams ba jop ha katei ka tournament kin ïoh rah ïa ka song pisa ba Rs. 30000 tyngka bad Rs. 20000 tyngka ryngkat ki Trophy.
