Shillong, K’ Lyngkot 14: Ka headquarters ba thymmai jong ka seng Congress, kaba la ai kyrteng ka Indira Gandhi Bhawan, kaba ai nam ha ka Myntri Rangbah Duh barim ka ri ka (L) Indira Gandhi, yn sa plie da ka Chairperson ka Congress Parliamentary Party (CPP) ka Sonia Gandhi ha ka por 9 baje mynstep, ha Kotla Road ha ka sngi Balang.
Ha shwa ban sdang ïa kane ka jingplie ïa kane ka headquarters kaba thymmai, la pynhiar ruh mar shiteng ïa ka lama jong ka party ha kine ki 24 kynta, kaba la wah ha Akbar Road headquarters. Kane ka building ka la dei jong ka seng Congress mynta la palat 40 snem. Kham ha shwa u General Secretary, ka seng Congress uba khmih ïa kane ka seng, u K C Venugopal u la pyntip ba ka Chairperson jong ka CPP kan sa wan ban plie ïa kane ka headquartes kaba thymmai jong ka seng ha ka jingdonlang u khlieh duh jong ka party u Mallikarjun Kharge bad u nongïalam ka liang pyrshah hapoh Lok Sabha u Rahul Gandhi. Ha kane ka sngi na ka liang u Bah Vincent H.Pala, President ka Meghalaya PCC un leit ban ïashim bynta lang ha kane ka prokram ka ban long ha ka sngi Balang, ong ka kyrwoh khubor na ka seng Congress.
