Shillong, K’lyngkot 10 :U Ma Richard Singh Lyngdoh uba la long MDC lah saw samoi kynthih u la mih ban ïa aireng biang ha kane ka elekshon MDC ka ban wan sha ka Jaiñtia Hills Autonomous District Council (JHADC) napoh 9 -Nongjngi Mynso Constituency, West Jaiñtia Hills District.
Lyngba u kyrwoh u Ma Richard u la pyntip ba mynta un mih ban ïakhun ia kane ka elekshon na ka party Congress bad ym shuh na East hynrei ha West Jaiñtia Hills.
Lah ban kdew ba u Ma Richard u dei uba la jop haduh saw samoi kynthih ha ka elekshon MDC sha ka JHADC, kata ha u 2004 na 24 Sutnga-Narwan Constituency, 2009 na 26 Sumer bad 2014-2019 na ka 25 Sutnga Nongkhlieh Constituency ha East Jaintia Hills.
