New Delhi, Jylliew 10: Kadei ka jingïajied MP da ki MLA, hynrei ha kane ka elekshon ha ki 15 tylli ki jylla, 2 tylli ki jylla la hap ban pynsangeh noh ka jingïañiew namar ba ka don ka jingkulmar. Ka jingïakulmar kadei namar ba la don ka jingïaryngkang dieng kper ki MLA ha ka por ba ki ïathep vote.
Kane ka elekshon na ka bynta ban pyndap ïa ki 57 tylli ki Seat Rajya Sabha ha ki 15 tylli ki jylla, ka la long ka jingïakhun kaba jur bad kthang bha hapdeng ka Congress bad ka BJP. Ka jingkynnoh ryngkat dieng kper ne ka cross voting ka long hapdeng baroh artylli kine ki Seng.
Na ki 57 tylli ki Seat, kiba la jop lypa khlem don nongïaleh ki long 41 tylli. 17 tylli la jop da ka BJP, 10 da ka Congress bad 14 tylli da kiwei pat ki Party.
Na ka result kaba la pynbna, ka Congress ka la jop 3 tylli na ki 4 tylli ki Seat ha Rajasthan. U hehduh jong ka Zee TV, u Subhash Chandra ba la pynïeng da ka BJP, u la shah rem.
Napdeng kiba la jop na Rajasthan ki kynthup ïa ki 2 ngut ki heh Congress, u Mukul Wasnik bad Randeep Surjewala
Hangne ka la don ruh ka jingïakynnoh ryngkang dieng kper ha baroh ar, ka Congress bad ka BJP.
Ha Haryana kaba ïaleh 2 tylli ki Seat bad Maharashtra kaba ïaleh 6 tylli ki Seat, ïa ka jingïañiew la pynsangeh noh hadien ba la ki katto katne ki MLA ki la pyni ïa ka Ballot Paper ba ki soi shano ki vote.
Ha Karnataka, ha kaba ka Myntri ka tnad pla tyngka jong ka ri India, ka Nirmala Sitharaman badu nongïalam ba rangbah ka Congress, u Jairam Ramesh, ki ïakhun bad ki la ïoh mar 46 vote haduh ba thoh ïa kane ka khubor ym pat pynbna ïa ka result.
Ka elekshon ka la long 11 set ha Uttar Pradesh. Ka Maharashtra bad Tamil Nadu mar 6 each, Bihar 5, Karnataka, Rajasthan bad Andhra Pradesh mar 4, Madhya Pradesh bad Odisha mar 3, Punjab, Jharkhand, Haryana, Chhattisgarh bad Telangana mar 2 seat bad kawei ka seat ha Uttarakhand.
