Jowai, Nohprah, 11: Ka Khasi Student Union (KSU) Wapung Unit ka la pyntip ba kan pynlong ïa ka jingpynkup burom ïa ki samla pule jong ki hynriew tylli ki Area hapoh ka shnong bad ïa kane ka khusnam yn tip kum ka “5th U Woh Tep Kyndait Memorial Academic Award 2024”.
Ki samla pule jong ka thaiñ ki ban ïoh ïa ka khusnam ki long kito ki poi shakhmat ha ka Exam SSLC bad HSSLC Bachelor’s of Degree (BSC, BCOM, BA) ka master’s Degree PhD, Engineering jong u snem 2024 na ki Board lane University bapher bapher (academic year 2024) kum shi bynta ban pynshlur bad ban ai mynsiem ïa ki ban kin nangïai kiew shaphrang ha ki jingpule jong ki.
Ki Area ba ka seng kan ai ïa ki Award kin long kumne 1.Mokhep 2. Wapungskur, 3. Wapungshnong, 4. Tuber Kmai Shnong, 5. Tuber Shohshrieh bad 6. Ïongkaluh. Kiba lah ban ïoh ïa kane ka award kin long kumne na ka bynta ka SSLC Pass 60% shaneng (2024), HSSLC Pass 60% shaneng (2024), Bachelor’s degree pass 60% (2024), Master’Degree Pass 60% (2024).
Ïa ki marksheet lah ban submit ha ki numbar kiba don harum bad ïa ka por ban pynpoi ïa ki Marksheet lane Zerox Copy kan dei haduh ka 20th tarik u bnai Nohprah 2024. Ïa ka tarik bad jaka ban pynlong yn sa pyntip hadien. Kane ka long katkum ka khubor ba la pyllait da u Luckystar Rymbai, Education Secretary KSU Wapung Unit, ne phone +918413805987.
