Shallang, Jylliew 7: U Superintendent of Police jong ka West Khasi Hills District, u la pyntip ba ha ka 4 tarik mynta u bnai, la ïoh ïa ka jingujor na u Mithun Lama 35 snem karta na ka shnong Songsak kaba hap hapoh Shallang, ba ka lok jong u kaba kyrteng ka Sujata Thapa 24 snem karta bad ka khun jong ka ka Arunima Lama 9 snem ka karta ki la jah na la ïing naduh ka 25 tarik u bnai Jymmang 2022 bad ki khlem wan phai ïing shuh haduh mynta.
La ong ba ka Sujata Thapa ka phong ïa ka sopti ba iong, ka slipar ka rynieng kaba 5 phut bad ka don ïa ka tattoo ka kyrteng jong ka ha ka kti kadiang. Katba ka khun jong ka ka Arunima Lama ka phong ïa ka T-shirt ba iong, ka skirt jean rong blue bad ka slipar. Kumta la kyrpad ba lada don mano mano ba ïohi ne tip, ki lah ban pyntip ha ki Police Station jong ka Jylla ne ki Jylla ba marjan, khnang ban lap ïa kine ki briew kiba jah.
