Guwahati, Naiwieng 10: Ka jingplie ïa ka SPM & Lalan’s Coaching for Success ka dei ka jingai dak na ka bynta ban wanrah ki jingkylla ha ki kam ai jingkyrshan ha ka pule puthi ïa ki samla pule jong kane ka thaiï shatei lammihngi (NE) jong ka ri India. Kane ka jaka pule na ka bynta ka Engineering and Medical entrance exam kadei ka jingïatreilang hapdeng ka SPM IAS Academy bad ka Lalan’s Coaching Classes, kiba dei baroh artylli ki shlem hikai na ka bynta ka competitive education.
Ki director jong ka SPM IAS Academy u Mridul Mishra (IIT Kanpur), u Satyajit Kumar (IIT Roorkee), u ChinmoyBordoloi (Jorhat Engineering College), bad u Vivek Khetawat ki la long ki nongnoh synniang lyngba ki jingshemphang bad ki jingaiti jong ki ban pynwandur ïa kane ka jingsdang. Baroh lang ki la sam ïa ki jingshemphang jong ki ha ka liang ka pule puthi na ka bynta ka jingmyntoi jong ki samla pule kane ka thaiñ shatei lammihngi ka ri India.
Lyngba ka jingkren lang, ki la banjur da kaba ong, “Ka thong kaba don bad ka SPM & Lalan’s Coaching for Success ka dei ban kyntiew, bad ban pynïoh ïa ka sawdong sawkun kaba biang halor ka pule puthi kaba long ruh ki jingpynkhreh na ka bynta ki samla pule ba kin kiew sha ki kyrdan kiba kham shalor ha ki entrance examination kum ka JEE (Advanced), JEE (Mains), bad NEET. Haba khmih ïa ki jingjop jong ngi ha ki Civil Services coaching, ngi aiti ruh mynta na ka bynta ki jingai jinghikai halor ka Engineering and Medical entrance examination ruh kumjuh, ha kaba kane kan pynkupbor ïa ki samla pule ban kynjoh sha ka thong.”
Na ka liang ka SPM IAS Academy, ka la pynpaw ba kan ïaibteng ban pynleit jingmut halor ka jingkiew ka pule puthi bad ka jingai jingkyrshan ïa ki samla pule kaba ïaid lang ruh bad ka Lalan’s Coaching Classes. U Lalan Kumar (IIT Guwahati), nongseng ka Lalan’s Coaching Classes, ha ryngkat bad la ka tnga ka Dr. Monica Teronpi, ki la long kiba don bynta bha ban hikai ïa ki samla pule ha ka jingïaid lynti jong ki ban wad ïa ka jingnang jingtip.
