Shillong, Naiwieng 06 : Ka Central Bureau of Communication, Shillong ha ka jingïatreilang bad ka Shillong Municipal Board, Sorkar Meghalaya kan pynlong ïa ka jingpynkhuid Shramdaan-Cleaning Drive hapoh ka Swachhata Hi Seva Campaign ha ka 7 tarik u Naiwieng, 2024.
Ka thong jong kane ka prokram kaba long shi bynta ka prokram Swachhata Hi Seva kaba ar sngi ka dei ban ai jingtip shaphang ka jingkongsan jong ka jingkhuid bad ka jingsumar ïa ka mariang, ha kaba ka kam kaba kongsan kan long ka jingpynkhuid ha Khyndai-lad (Police Bazaar).
Ha kane ka sngi, ka CBC Shillong ha ryngkat ka Sorkar Meghalaya kan pynlong ïa ka jingïalang paidbah ha ka jaka pynieng kali jong ka OB shopping mall. Hadien kane, kan don ka jingpynkhuid ha ryngkat ka jingïashim bynta jong ki briew kiba trei mon sngewbha, ka Ophis Municipal, CRPF, BSF, NCC, ki traidukan bad ki paidbah ha Kyndailad, Police Bazaar, Shillong naduh 7:30 bajemynstedp ha ka 7 tarik u Naiwieng 2024.
U Myntri ka Sorkar Meghalaya ba dei khmih ïa ka tnad Fisheries, AH&Vety, Bah AL Hek u la mynjur ban wan ïashim bynta ha kane ka prokram kum u kongsan. Yn pynkup burom ruh ïa ki SafaiMitraha kane ka sngi.
Ki nongpynïaid ki la khot ïa ka jingïashim bynta ki paidbah bad ki trai dukan khnang ban pynurlong ïa kane ka kam bad kot sha ka thong jong ka prokram.
