Shillong, Naiwieng 05: Ka jingtei ïa ka rynsan jong ki surok kaba khlaiñ bad kaba ïaineh ka long kaba donkam bha na ka bynta ka jingkiew shaphrang ka imlang sahlang bad ka roi ka par ha ka ri. Ki jingdon jingem kiba ïadei bad ki surok ki long kiba donkam ban ïoh ki lad ka leit ka wan kiba sted ha ryngkat ka jingshngaiñ, ka jingseisoh ha ki kam logistic bad ka jingsuk jong ki paidbah bad ki dei ruh ban long kiba ïaineh.
Ka jingtei surok ka dei kaba ju pynïasoh bad ka jingpynduh ïa ki jingaiei ka mariang kum ki maw, ka khyndew ba seisoh, u shyiap bad kiwei kiwei, ka jingpynkhyllem ïa ki dieng, ka jingpynmih ïa ki green-house gas bad kiwei kiwei. Ka jingpynbeit ïa kine ki jingduh ka long kaba donkam bha ban ïoh ïa ka roi ka par kaba ïaineh.
Kum ban shu kdew ïa kawei ka nuksa, ka jingshna ïa shi kilometer ka surok kaba shiliang ka donkam 20,000 ton (ba antad) jong ki maw kiba bha. Shuh shuh la antad ba ka jingshna shi kilometer ka surok bah ka pynmih CO2 haduh 24-30 ton ha ka shi snem. Hapoh ka jingthmu u Myntri Rangbah Duh na ka bynta ka lawei kaba khuid bad Net Zero, ka India ka la buh ïa ki thong kiba heh ban kot sha ka net zero shuwa u 2070.
Kumta, ban pynneh ïa ki jingaiei ka mariang bad pynduna ïa ka jingpynmih ïa ki greenhouse gas, ka tnad hapoh ka jingïalam u Myntri Rangbah Duh bad u Myntri ka tnad Road Transport & Highways ka la peit bha ïa ka jingpynkhreh, jingsaiñdur, ka jingtei bad jingsumar ïa ki surok bah hapoh kine ki nongrim.
Ka jingsaiñdur da kaba pyndonkam ïa ki mar kiba thymmai, ki rukom treikam bad ka teknoloji kaba wanrah ïa ka jingtyngkai ïa ki mar, ka jingneh ki surok bad ka jingsted ha ka jingtei, ha ryngkat kiwei kiwei.
Pynduna ka jingpyndonkam ïa ki jingaiei ka mariang. Ka pyndonkam ïa ki mar kiba don ha ki jaka ba shna. Ka jingpyndonkam ïa ki mar ki bym ktah ïa ka mariang.
Ka jingpynduna, pyndonkam biang bad pynthymmai ïa ki mar ba la bret. Ka jingtyngkai ïa ka um, ka khyndew, ki jingthung bad ki jingim, ha ryngkat kiwei kiwei. Ka jingpdiang ïa ki rukom treikam ba khuid. Ka jingpyndonkam ïa ki mar bad ki kor kiba seisoh bad ki bym ktah ia ka mariang. Ka jingtyngkai ïa ka bording. Ka jingsumar ïa ka jaka bad ki jingthung. Ka jingïada bad ka jingpynduna ïa ka jingpynmih ïa ki GHG, ka jingpynjaboh ïa ka um, ka jingsawa, ka jingduh ka khyndew bad ka jingpynjaboh, ka jingpeit bha ïa ki jaboh jabaiñ kiba don jingma.
Ka jingpeit ïa ka jingneh bad ka dor. Katto katne ki jingjop ha ka jingpyndonkam ïa kum kine ki mar, ka teknoloji, ki rukom treikam ha katto katne ki projek shna surok bah ban wanrah ïa ka roi ka par kaba ïaineh ki long kumne harum, ka Ultra-High Performance Fiber Reinforced Concrete (UHPFRC) na ka bynta ki jingkieng ba jrong (65 tylli ki jingkieng ba la shna / ba dang shna da ka UHPFRC). Ka Processed Steel Slag-(2.6 million MT ba la pyndonkam) Ka plastic ba la bret ha ka jingkhleh bitumen (2830km ki surok ba la shna). Inert material of Municipal Landfill (2.4 million MT ba la pyndonkam). Bamboo Crash Barrier (8.5 km). Ka jingthung bujli ïa ki dieng ba la pynkhyllem (70,000).
Ki mar/ teknoloji kum ka jingpynskhem ïa ka khyndew, ki bynta ka precast concrete, high performance bituminous mixe, ki jait geosynthetics bapher bapher, ki jingsiang da ki sai borni, ka jingpyndonkam biang ïa ki
jingsiang bitumen, full depth reclamation, ka jingpyndonkam biang ïa ki tunnel mg/ki mar ba twa khyndew, ka jingpyndonkam ïa ki mar ba tam na ki jingshna bad ki jingpynpra, bio-bitumen, ki polymer rebar ba la pynkhlaiñ ba la pyndonkam ha ka jaka jong ki nar na ka bynta ka dewbilat ba khlain, bad kiwei kiwei ki dei kiba la pyndonkam ha ki projek surok bah.
Ki 135 km ka Eastern Peripheral Expressway ba la tei da ka NHAI ka dei ka nuksa jong ki projek surok bah ba khuid namar ka pynduna ïa ka jingpynmih carbon ha ki rukom bapher bapher: Ka jingpynmih bording solar: Ka jinglah pynmih haduh 4 MW. Ka lad ai um ïa ki jingthung. La pynbiang ïa ki lad pyndonkam ïa ka um slap ha man ka 500 m. La pyndonkam kumba 12 million cum u fly ash. Ka jingthung dieng kaba ïar: 2.6 lak tylli ki dieng ba la dep thung. Ki Green National Highways Corridor Project (GNHCP) ki dei kiba dang pyntreikam ha ka jingïoh jingïarap na ka World Bank bad kane ka dei sa kawei ka nuksa jong ka jingpyndonkam ïa ki teknoloji ba ïaineh.
Hynñiew bynta jong ki surok bah kiba don 23 tylli ki thup shna jingshna kiba haduh 783 km ki dei kiba la pyntreikam hapoh ka GNHCP. Ki mar kiba khuid / teknoloji kum ki jingsiang sai borni, hydroseeding, interlinked chain mesh bad ki green strip, ka jingthung siej, phlang vetiver, hedge brush layering, jingpyndonkam biang ïa ki mar ba la duh bad kiwei kiwei ki dei ba la pyndonkam ha kane ka projek.
Ka tnad ka bteng ban peit ïa ka jingseisoh jong ka jingpyndonkam ïa kine ki mar bad ki teknoloji ha kaba ïadei bad ka jingpynduna ïa ka jingpynmih carbon, ka jingskhem, jingneh bad jinglah maramot.
Katba ka jingseisoh jong ki mar, ki rukom treikam, teknoloji ba dang pyndonkam ka dang kham paw, ka kam ban lap bad pyndonkam ïa ki mar kiba thymmai ka dang ïaid shaphrang.
