Shillong, Naiwieng 04: Ka Sorkar Jylla ha ka sngi Nyngong ka la ai ka jingmynjur ban pynsdang biang ïa ka Physical Efficiency Test (PET) ban thungkam hapoh ka Tnad Civil Defence & Home Guard, ka ban treikam naduh ka 18 tarik Naiwieng haduh 21 tarik Naiwieng 2024.
Na ka liang ka tnat ka la ong ba ki kyrtong kiba aplai kam kiba dei ban ïakhun ïa ka Physical Measurement Test (PMT) bad Physical Efficiency Test (PET) ha ka 4, 5, 7 bad 8 tarik Risaw 2024 bad kito kiba la pass ïa ka PMT bad ïashimbynta ha ka PET ba la long ha ka 2 bad 3 tarik Risaw 2024, kin hap ban download biang ïa ki admit card ba thymmai na ka website ka Tnad www.meghomeguards.gov.in na ka bynta ki tarik ba kin hap ïakhun.
Shuh shuh ha kaba iadei bad kane la iathuh ba ïa ka link ban ïoh admit card yn sa pyllait naduh ka 6 tarik Naiwieng 2024 lyngba kane ka website.
Ïa kane la pynbna da u Bah P H Shylla, Senior Staff Officer bad Addl. Public Relations Officer ka Directorate of Civil Defence & Home Guards.
