Nongstoiñ, Risaw 30: Ka All Meghalaya SSA School Teacher’ Association (AMSSASTA-CB) ka khot ka wer ïa ki hynmen para Nonghikai SSA ba hap ha u pud u sam jong ka West Khasi Hills, ban ïashim bynta shitrhem sha ka General Meeting jong ka District ïa kaba la pynbeit ban long ha ka 01-11-2024, ha ka por 11 baje mynstep ha Lowingwel Secondary School New Nongstoiñ.
Ha katei ka sngi, ki nongïalam jong ka Central Body kin wan ban pynshai halor ka jingshong kyllaiñ mungor khlem buh por, ka jingkular jong ka Sorkar halor ka jingdawa kyntiew tulop, ka jingpynsangeh shipor ïa ka jingïakhih, nangta lano ka Sorkar kan pynurlong ïa ka Enhancement.
Nangta ka jingbteng biang ïa ka jingïakhih bad kham jur lada ka Sorkar ka kylla katkum ka jingïakut, ka hamsaïa pyntieng kohtympan ba ka project SSA kan kut ha ka 31-03-2026. Ka jingpynskhem kam, ka jingpynjlan snem thep kam bad kiwei. Kane ka long katkum ka kyrwoh na u Babu Shembor Langrin Publicity Secretary AMSSASTA-CB Shillong, Meghalaya.
