Shillong, Risaw 24: Ka State Urban Livelihood Mission (SULM), Urban Affairs Department, ka sorkar jylla ka la ïoh ban pynlong ïa ka PRAISE (Performance Recognition for Access to Financial Inclusion and Street Vendors Empowerment) kaba dei ruh ka prokram sam khusnam. Kane ka prokram kaba la pynlong ha ka jylla kadei kaba ai jingithuh ïa ki nongshong shnong kiba la noh synniang ha kaba ïadei bad ka Prime Minister Street Vendor’s AtmaNirbhar Nidhi (PM-SVANidhi) kaba dei ruh ka kynja skhim ban pynkupbor ïa ki nongdie madan ha kylleng jong ka jylla.
Ki heh ki haiñ kiba la shim bynta lang ki kynthup ïa u Bah Sanbor Shullai, MLA South Shillong, u Satish Kumar Singh, Under Secretary, Ministry of Housing and Urban Affairs, Government of India, u Pravin Bakshi, IAS, Commissioner & Secretary ka Social Welfare Department, Meghalaya, u P.K. Boro, Director Urban Affairs, State Mission Director DAY-NULM & PMSVANidhi, MSULM, Urban Affairs, u Bah E. Kharmalki, IAS (Retd) uba dei ruh u Director barim ka Urban Affairs State Mission Director NULM PMSVANidhi, u Bah R. Sohkhlet, Joint Director-Technical, Urban Affairs Department nalor kiwei kiwei pat.
Ha ka prokram la kren pdiang sngewbha da u P.K. Boro bad uba la ai khublei ïa ki SHG bapher bapher kiba la wan na kylleng ka jylla ban poi sha kane ka prokram.
La ong ba ha kane ka prokram ki la wan ban shim bynta da palat 9 ngut ki nongdie madan kum ki guest kiba kyrpang kiba la hab hapoh ka PMSVANidhi.
Haba kren ha kane ka sngi na ka liang u Bah Sanbor Shullai u la ong ba kane ka khusnam State Urban Livelihoods Mission (SULM) kadei ka jingleh kaba hapoh ka Deendayal Antyodaya Yojana National Urban Livelihood Mission (DAY NULM), kaba dei ka prokram hapoh ka Ministry of Housing and Urban Affairs, kaba dei ka khusnam kaba ba ju ai sha ki self-help group bad ki micro entrepreneur kiba shim khia ruh na ki longkmie.
U la ong ba kane Performance Recognition for Access to Financial Inclusion and Street Vendors Empowerment (PRAISE) Awards hapoh ka Ministry jong ka PM-SVANidhi kaba dei ka jylla kaba hapoh ka Urban Local Bodies, ki bank bad kiwei kiwei. U la ong ba kane ka prokram ka thmu ban pynlong ïa prokram PM-SVANidhi kaba jop.
Katba na ka liang u Pravin Bakshi, IAS, Commissioner & Secretary ka Social Welfare Department, u la pynpaw ka jingïaroh haba ïohi ïa ka jingjop jong kane ka PRAISE kaba la trei borbah da ka tnat Urban Affairs bad ka sorkar jylla ban kyrshan ïa ki nongdie jingdie ha madan wat hapdeng ki jingeh kiba bun. U la kdew ba hapoh ka PM SVANidhi, Meghalaya ka jylla wat haba ka sdang da ka jingeh hynrei ka la leh bha bad ka la long kaba 3rd best.
Na ka liang u Satish Kumar Singh, Under Secretary, Ministry of Housing bad Urban Affairs, ka sorkar India ha ka jingkren jong u u la ong ai khublei ïa ki nongioh myntoi, ki nongshong shnong, ïa ki jingnoh synniang bad ki jingjop jong ki naba ki jingtrei shitom jong ki kim shym la long lehnohei.
Katba ka kong Larisa Mawroh, State Mission Manager, SULM Assistant Nodal Officer, Meghalaya Street Vendors ka la pyntip ba ka Meghalaya ka la ïarap ïa kumba 500 tylli ki self-help group bad artylli ki City Livelihood Centers (CLCs) kaba la pynlong hapoh ka shnong Mawkhar bad kawei ka CLC ban buh ha Tura. Ka la bynrap ba ka Meghalaya SULM ka la ïarap ban ai ram ïa kumba 149 ngut ki briew kiba sengkam lajong. La bthah ruh ia ki nongsengkam lajong ba kin plie ïa ki kam da kaba bynrap ruh ba ki la don ki SHG grading App, Street Vendors Survey App bad ki SMS service.
Ha ka prokram u Pravin Bakshi u la pyllait ïa ka Meghalaya Street Vendors Mobile App, SHG Grading Mobile Application, bad ka Meghalaya DAY-NULM Website. Ka la don ruh ka jingplie ïa ka kaiphod kaba 10 snem jong ka DAY-NULM bad ka kaiphod kaba 4 snem jong ka PM-SVANidhi.
Ki SHG kiba la ïoh khusnam ki dei ka Green Jobs and Sustainability-Iainehskhem SHG, Shillong -Environmental Protection ba pyndonkam ban pynkylla thymmai biang ïa ki tiar kiba la bret, ka Community Mobilization & Growth ha ka Institutional Development-Kyrshanlang CLF, Shillong – Recognition for Community Mobilization & Growth in Institutional Development, Food Processing- Nokmechik SHG, Tura – Best ha ka kam shna jingbam Food Processing, Entrepreneurship-Dabitnalsagittim Community Development Society Self Help Group, Baghmara – Most Entrepreneurial SHG, Service Delivery-Edubridge SHG, Shillong- Best ha ka Service Delivery, Arts-Tengna SHG, Williamnagar – Best ha ka Traditional Arts and Craft, Textiles-Weaver SHG, Resuelpara – Best ha ka Textiles.
