Shillong, Risaw 9 : Ka Tnad kam Pohïing (Police) kala bthah ïa baroh ki ïingbasa (Hotel, Lodge, Homestay, Resort) bad ki dukan ba ki hap ban shim ïa ka No Obejection Certificate (NoC) na ka Tnad Fire Service Organisation.
Kat kum ka jingpynbna ba la pynmih da u Secretary ka Tnad kam Pohïing (Police) u Bah CVD Diengdoh, kane ka hukum kan treikam ïa baroh ki Jingtei kiba pynlong kum ki ïingbasa kiba don ha Nongbah Shillong bad ki jaka ba markhap.
Ula ong ba kane ka long haba pyntreikam ïa ka kyndon 13 (1) bad kyndon 15(1) jong ka Meghalaya Fire & Emergency Services Act, 2022.
Lah ban kdew hangne ba kane ka hukum jong ka Sorkar ka dei shibynta na ka sienjam ban pynthikna ïa ka jingshngaiñ jong ki jingtei bad ki ïingbasa haba don kano kano ka jingjia pluh ding.
Ka jingjia pluh ding ha Police Bazaar ha u snem bala lah, kala pynkyndit bynriew ïa ka Sorkar Jylla haba ïohi ïa ka jingeh jong ki kali pynlip ding ban poi sha ka jaka ba pluh namar ka jingkhapngiah, kaba la buh ha ka jingeh ïa ki Pulit pynlip ding ban ïakhun ïa ki thylliej ding.
