Trei shitom ki skul Private skul ban kyntiew jingpule bad pynbiang tulop nonghikai : PT Sawkmie

Shillong, Risaw 9 : U Bah Process T Sawkmie, MLA barim u la pynpaw ba ki skul Private ne shimet ki trei shitom bha ban kyntiew ïa ka pule puthi bad ban pynbiang ïa ka tulop ki nonghikai.
U bah Sawkmie u la kren ïa kane ha ka sngi ba u plie ïa ka School Fete Cum Food Fest 2024 jong ka Mary Mount Secondary School, Mawlai Mawtawar ha ka sngi Balang ka 9 tarik u Risaw, 2024 ha ka jingdon ryngkat ka Principal kong Stella Phyllei, ki nonghikai, khynnah skul bad ki kmie ki kpa.
Ka Mary Mount SS ka pynlong ïa kane ka Fete Cum Food Fest kum shi bynta ban pynmih pisa na ka bynta ka Jubili Rupa (Silver Jubilee) kaba kin rakhe ha u snem 2027.