Shillong, Risaw, 08: Ki shipai BSF jong ka 110 Battalion, Meghalaya ki la ïoh bat ïa kawei ka kali ha surok Ryngku-Mawsynram hajan ka khappud. Na kane ka kali, ki shipai BSF ki la ïoh kem ïa uwei u mynder Bangladeshi ba la ithuh kyrteng kum u Mohmmad Milan Ahamed uba dei na ka Sunamganj District, Bangladesh.
Ryngkat bad une u mynder ri, ki shipai BSF ki la ïoh bat ruh ïa ki arngut ki Khasi nong India, kawei ka kynthei bad uwei u shynrang bad na ka met jong ki, ki shipai BSF ki la ïoh ban kurup ïa ka pisa India kaba kot T. 2.32 lak.
Ïa kine ki lai ngut bad ïa ka pisa ba la ïoh kurup la aiti noh sha ki Pulit jong ka Mawsynram Police Station ban pynlong shuh shuh ïa ka jingtohkit kaba bniah.
