Shillong Risaw 08: Ka Parish pastoral council bad baroh ki Lyngdoh sohblei bad ki paid riewngeit jong ka Parish Ïingmane Bah Laitumkhrah ki la khot la wer ïa baroh ki para bangeit sha ka Proseshon Bah Ïukharist ka ban long ha ka 10 tarik u Naiwieng, 2024 ha Ïingmane Bah Laitumkhrah.
Katkum ka kyrwoh la iathuh ba ka Mass bakhuid kan long ha ka por 10 baje mynstep ha Kalbari da u Most Rev George Antonysamy u Vice President ka CCBI bad ka jingïaid Proseshon kan sdang ha ka por 1.30 nohphaisngi.
Lyngba ka kyrwoh khubor la ong ba kin don ki jaka shong bad ka LED screen ha madan Novice bad ki don ki jaka shong bad LED ha madan skul Divine Saviour.
La ïathuh ruh ba kin don ki jaka shong ha ka parking lot ha St. Edmund’s School Higher Secondary School hajan Kalbari. Yn ym shah ïano ïano ban die jingdie ha madan compound jong ka parish. Dei ruh ban rah la ki ja song la jong.
“La kyrpad ïa baroh ki para bangeit ba kin sumar khuid haba ki wan na ka bynta kane ka Proseshon Bah bad ba kim dei satia ban bret pathar ïa ki jaboh khamtam ki plastic song jingbam bad ba ym dei ban biah pathar ha ki jaka ba pynïeng ïa ki kali bad ha ki lynti syngkien,” ong ka kyrwoh na u Parish Priest ka Cathedral Parish u Rev Fr. Bernard Laloo.
