Shillong, Nailur 25 : Ka jingïalang jong ka Kynhun Myntri kaba long hynne ka sngi Balang ka la mynjur ban thung ïa u Ophisar IPS ba rim ka Jylla, Bah H Nongpluh kum u dkhot (Non-Judicial Member) jong ka Meghalaya Human Right Commission (MHRC).
Haba kren bad ki lad pathai khubor, u Myntri Rangbah ka jylla, Conrad K Sangma u la ong ba hadien ka jingshongthait noh jong iwei na ki dkhot (non-judicial member) ha ka MHRC, ki la don da ka Selection Committee kaba la khlieh da u Myntri Rangbah bad la tyrwa ruh ïa ka kyrteng jong u Bah H Nongpluh kum u Pulit IPS ba la shongthait ban long kum u dkhot ha ka MHRC.
“Kumta ïa kane ka jingtyrwa la ïoh ruh ïa ka jingmynjur da ka kynhun Myntri,” u la ong.
La pyntip ruh ba ka Kynhun Myntri ka la mynjur ruh ïa ka jingai jingmut jong ka Committee kaba khlieh da u Chief Secretary ban thung ïa u Lt. Col Sebastian Marbaniang kum u Zilla Sainik Welfare Officer, Shillong.
Ha kane ka sngi ka kynhun Myntri ka la mynjur ruh ïa ka thup jong ki sngi shuti na bynta ka snem 2025 kaba la wanrah da ka tnad GAD.
“Kam shym la don kano kano ka jingkylla ha ka thup ki sngi shuti. Kadei beit katkum ka thup jong kane ka snem,” la bynrap biang u Myntri Rangbah.
