Jowai, Nailur 24: Ka jingkiew dor palat ka bai khajna jong ki kali kamai hapoh ka jylla na ka jingpyntreikam ïa ki kyndon ka sorkar kmie, na ka liang ka Hynñiewtrep Integrated Territorial Organization (HITO), hynnin ka sngi 23 tarik u Nailur kala pynsngew ha u Myntri ba dei peit ïaka tnad Transport ba ka jylla kala donkam ban don noh dala ka jong ka Motor Vehicles Rules.
Shuh shuh ka seng kala pynsngew kiba bun ki trai kali bad khamtam eh ki nongñiah kali kamai ki ïakynduh jingeh bha ban siew ïa katei ka bah khajna (Fine) bad ban pynthymmai ïa ki kot kali (Taxation) namar ka jingrem dor palat ka bai khajna.
Halor kane ka seng kala kyntu ïa ka sorkar jylla ban pyntreikam kumba long ka Assam Motor Vehicle Rules (2003) hapoh ka jylla kumjuh, katkum kine ki kndon kiba ïadei bad ka Chapters IV, V, VII, VIII, bad IX jong ka Assam Motor Vehicle Rules (2003) na ka bynta ban siew ïa ki bai khajna jong ki kot kali bapher bapher.
Bunsien ka jingeh kaba ki trai kali bad nongñiah kali kamai ka jylla ki shem jingeh bha ban siew ïaka bai renewal ïa ki Licenses bad ki Permits da kaba pynthiar noh haduh 50%. La ïoh jingtip na ka seng mynta kaba poi haduh 10 hajar tyngka ka kuna ïa kito kiba slem ban renew ïa kitei ki kot.
Ha ka juh ka por la dawa ban pyntreikam ïa ka E-challan System haka por ba siew ïa ka khajna na ki kali, khnang ban lait na kano kano ka jinglait tuh jong ïoh lum bai khajna bad ban pyntreikam ïa ki bor online platforms, khnang ba ka sorkar kan tip bniah halor ka jingïoh jingkheiñ.
