Jowai, Nailur 24: Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai kaba la long mynta ka sngi 24 tarik u Nailur ha madan Kiang Nangbah Stadium Dongmihsngi, Jowai. Haba phai sha ka jingïakhun kaba nyngkong ka kynhun ïalehkai jong ka Panaliar kala pynliem da 1-0 kol ïa ka Khliehmyntang Ialong, ïa katei ka shikol na ka Panaliar la thep da u Samhame Sumer haka minit ba 80+2.
Katba ha ka jingïakhun kaba ar ka Lion Sports & Youth Affairs kala lah ban pynliem da 3-0 kol ïa ka Shangpung Moosyiem, ïa kitei ki kol na ka Lion Sports & Youth Affairs la thep da u Da o hi Paslein haka minit ba 8 & 63 bad u Chanmi Phawa haka minit ba 61.
