Jowai, Nailur 23: Ki ar tylli ki jingïalehkai ka lympung phutbol bala tip kum ka “7th U Debo Shullai Memorial Trophy” jong ka kyrdan Second Division Football Tournament 2024 bala pynïaid daka West Jaiñtia District Sports Association (WJDSA) Jowai kaba la long ha ka Lah Sngi U Blei (23 tarik u Nailur, 2024) ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong kaba la long hapdeng ka Rising Sun Mukhla bad ka Shangpung Khliehmuchut, ka jingïalehkai kala poi sha ka jingïakhaid khlem don satia kiba ïoh ban pynkhihjar.
Katba ha ka jingïakhun kaba ar ka kynhun Lumbhahdakha Wahiajer kala pynliem noh da 5-1 kol ïa ka Iawmulong Nartiang.
Ha kane ka jingïaelehkai la sakhi ruh ïa ka hat trick na u Rimiki Dhar (16, 35 & 76) kaba la ai mynsiem ïa ka Lumbhahdakha Wahiajer ban khur ïa ka jingjop, kiwei pat ki kol la thep da u Bernard Suchiang (22 minit) bad u Augusteen Mukhim (42 minit). Katba ka shikol na ka Iawmulong Nartiang la thep da u Meker Pyrtuh (79min).
